په غزه کې د شهیدانو شمیر ۴۰ زره او ۸۶۱ تنو ته ورسیده

دید خبرې آژانس: د فلسطین د روغتیا وزارت د غزې د شهیدانو نوې شمېرې اعلان کړې چې له مخې یې د اکتوبر له اوومې راهیسې د غزې د جګړې د شهیدانو شمېر ۴۰ زره او ۸۶۱ تنو ته رسېدلی دی.

د غزې د روغتیا وزارت د معلوماتو له مخې، په دې موده کې ۹۴ زره ۳۹۸ تنه نور ټپیان شوي هم دي.

یو شمیر قربانیان اوس هم د خاورو لاندې دي او امبولانسونه او د ښار د دفاع کارمندان نشي رسیدلی.

اسرائیلي نیواکګرو تیره ورځ هم ۳ جنایتونه او قتل عام کړي چې په پایله کې یې ۴۲ تنه شهیدان او ۱۰۷ تنه نور ټپیان شوي دي.