دید خبری آژانس د خبر له مخې: د صربستان پولیسو د هنګری پولې ته څیرمه څلور افغانان نیولی دی.
د هنګري پولې ته څېرمه پر مهاجرو له ډزو وروسته چې په پایله کې یې ۳ تنه ووژل شول او ۱ تن ټپي شو، د صربستان پولیسو د ۴ افغانانو په ګډون ۶ تنه ونیول.
په نیول شویو کسانو کې څلور افغان او دوه ترکي اتباع شامل دي.
د پولیسو په وینا، د افغانستان او ترکیې دغه اتباع د ناقانونه وسلو او چاودېدونکو توکو د لېږد په شک نیول شوي دي.
خو دا لا څرګنده نه ده چې آیا دغه کسان به د صربستان او هنګري تر منځ پولې ته څېرمه د مرمۍ د ویشتلو په تور محاکمه شي او که نه.
د جمعې په سهار د صربستان په خودمختاره ولایت ووجوودینا کې د هرګوس کلي ته څېرمه په یوه ورک شوي ګودام کې د مهاجرینو د ډلو تر منځ یوه مشکوکه شخړه رامنځ ته شوه.
له دغې نښتې وروسته پوليسو سيمه کلابنده کړه او دوه ميله کلاشينکوفونه او يوه اندازه مهمات يې ترلاسه کړل.
د صربستان پولیسو د یوې اعلامیې په خپرولو سره ویلي چې په دې سیمه کې یې د عملیاتو په ترڅ کې ۷۹ تنه مهاجر موندلي او هغوی یې د «استقامت» مرکزونو ته انتقال کړي دي.
د يادونې وړ ده، چې د جمهوري رياست له ړنګېدو وروسته، بېکارۍ او لګول شويو بنديزونو د افغانستان خلک د خپل هېواد پرېښودو ته اړ کړل.
