دید خبري آژانس: له خوست ولایته راپورونه وايي، چې د خوست ښار په یوه هوټل کې د چاودنې له امله یو شمېر کسانو ته مرګ ژوبله اوښتې ده.
په خوست ښار کې نن دوشنبه (د اسد ۲۳مه) چاودنه شوې، چې له امله یې لږ تر لږه ۳ تنه وژل شوي او یو شمېر نور ټپیان دي.
دخوست ولايت امنيتي مسوولينو دغه پيښه تاييد کړه او ويې ويل چې دغه چاودنه ددغه ښار سپين جومات ته څيرمه په يوه هوټل کې شوې ده.
لومړني راپورونه ښيي چې په وژل شویو کې وزیرستاني کډوال هم شامل دي.
مړي او ټپيان روغتون ته لېږدول شوي دي.
امنيتي ځواکونو سيمه کلابنده کړې او د چاودنې په اړه يې پلټنې پيل کړې دي.
تر اوسه کوم کس یا ډلې د دې چاودنې مسوولیت په غاړه نه دی اخیستی.
