دید خبری آژانس: له طبیعي پیښو سره د مبارزې وزارت اعلان کړی چې د حوت میاشتې له لومړۍ نیټې راهیسې لږ تر لږه ۲۰ تنه وژل شوي او ۱۴ تنه نور ټپیان شوي دي.
د دغه وزارت ویاند جانان سایق وايي، په دې موده کې ۴۵۲ کورونه په بشپړه او جزوي توګه ویجاړ شوي او ۵۲۵۳ څاروي هم له منځه تللي دي.
سایق دغه احصایه پرون (شنبه، د حوت ۱۲مه) خپره کړه.
د هغه په وينا، په پروان، کندهار، خوست، کاپيسا، سرپل، پکتيا، فارياب، کابل، زابل، لغمان، پکتيکا، سمنګان، بدخشان، ننګرهار، غور، بلخ، دايکنډي او اروزګان ولايتونو کې سخته واوره او باران او سړه هوا شوې ده. ، هلمند او تخار کې یې ځاني او مالي زیانونه اړولي دي.
سیمه ییزو سرچینو ویلي، یوازې په سمنګان او سرپل ولایتونو کې د واورو او یخنۍ له امله اته زره او ۵۰۰ څاروي له منځه تللي دي.
په وروستیو ورځو کې د افغانستان په بېلابېلو ولایتونو کې د واورې اورښت دوام لري او د مواصلاتي لارو د بندېدو لامل شوی دی.
