دید خبرې آژانس: د اسلامی امارت د اوبو او انرژۍ وزارت سرپرست ملا عبداللطیف منصور، په تهران کې د افغانستان اسلامي امارت د سفارت له سرپرست مولوي فضل محمد حقاني سره کتلي دي.
د اوبو او انرژۍ وزارت د معلوماتو له مخې؛ په دې کتنه کې د بېلابېلو موضوعاتو په ځانګړې توګه د اوبو او انرژۍ په برخه کې د دغه وزارت د لاسته راوړنو او فعالیتونو په اړه خبرې شوې دي.
په کتنه کې همدا رنګه، په تهران کې د افغانستان اسلامي امارت د سفارت د فعالیتونو او د کډوالو د ستونزو د هوارولو او یو شمېر نورو موضوعاتو په اړه خبرې شوې دي.
