په بامیاني ماشومانو کې د خوارځواکۍ ناروغي زیاته شوې
دید خبرې آژانس: د بامیان د ولایتي روغتون روغتیاپالان وايي، په دغه ولایت کې پر خوارځواکۍ د اخته ماشومانو شمېر مخ په زیاتېدو دی.
د شمېرو پربنسټ په تېرو درېیو میاشتو کې په دغه روغتون کې پر خوارځواکۍ اخته د څه باندې ۱۶۰ ماشومانو درملنه شوې ده.
د کورنیو اقتصادي ستونزې، له وخت وړاندې زیږون، د امیندوارۍ پر مهال د مېندو سالمې تغذیې نشتوالی او د روغتیايي لارښوونې نه مراعاتېدل؛ په ماشومانو کې د خوارځواکۍ د زیاتېدو بنسټیز لاملونه بلل کېږي.
ځينې کورنۍ وايي، د وزګارۍ او ناچارۍ له امله کورنۍ او ماشومانو ته د خوراکي توکو برابرولو وس نلري.
ناروغ لرونکې، خدیجه بیا وايي: «اقتصادي وضعیت مو ډېر ښه نه دی، خو بیا هم اړ یو چې ماشوم ته مو له بازاره شېدې وپېرو. که شېدې وا نه خلو د دغه ماشوم وضعیت نه ښه کیږي.»
دا په داسې حال کې ده چې تر دې وړاندې د بامیان ولایتي روغتون روغتیاپالانو په ماشومانو کې د انتاني ناروغیو له زیاتوالي خبر ورکړی و.
