ډید خبري اژانس: د دغه هېواد د رسنیو یو فعال چې د فاریاب په سیمه ییزو راډیوګانو کې یې کار کاوه، په ایران کې له یوې ودانۍ څخه د لوېدو له امله ساه ورکړه.
دغه ځوان محمد عارف سرخابي نومېږي او د هېواد له سقوط وروسته ایران ته کډوال شوی و.
د فارياب د خبريالانو د اتحاديې مشر قطب الدين کوهي په خپله فيسبوک پاڼه کې ليکلي چې دغه رسنيز فعال د طا-لبانو له واکمنۍ وروسته ايران ته کډوال شوى و.
د ښاغلي کوهي په وینا، دغه ځوان چې په ایران کې یې کار کاوه، له یوې ودانۍ څخه تر ښکته کېدو وروسته مړ شوی دی.
ټاکل شوې د سرخابي جسد د یکشنبې په ورځ (د اسد ۹مه) په خپل پلرني ټاټوبي فاریاب کې خاورو ته وسپارل شي.
