ډید خبري اژانس: د ایران او ازبکستان مشرانو په افغانستان کې د سولې او ثبات پر ټینګښت هوکړه وکړه.
د ازبکستان ولسمشر شوکت میرضیایف او د ایران ولسمشر ابراهیم رئیسي پرون په تهران کې سره وکتل.
د ازبکستان ولسمشر ایران ته د سفر لپاره د ایران د ولسمشر د بلنې او د ازبکستان د پلاوی د تود میلمه پالنې قدرونه وکړه.
په دې کتنه کې د دوه اړخیزو عملي همکاریو د پراختیا پر امکاناتو او سیمه ییزو مسایلو خبرې وشوې.
د دواړو هېوادونو مشرانو يادونه وکړه، چې د سوداګرۍ، اقتصادي او پانګونې د همکاريو لا پراختيا ته ډېر اهميت ورکوي.
دواړو خواوو د نړیوالو ننګونو او ګواښونو لکه نړیوال تروریزم، د مخدره موادو قاچاق، سایبر تروریزم او د انسان قاچاق په څیر د مبارزې په برخه کې د هڅو د یوځای کولو په اهمیت ټینګار وکړ.
د هېوادونو مشرانو موافقه وکړه چې په افغانستان کې د سولې او ثبات د ټینګښت او د دغه هېواد د ټولنیز-اقتصادي بیارغونې د هڅولو په اړه خبرو ته دوام ورکړي.
د دواړو هېوادونو ولسمشرانو د بېلابېلو نړیوالو او سیمه ییزو سازمانونو په چوکاټ کې د څو اړخیزو همکاریو پر اهمیت ټینګار وکړ.
د دې ناستې په پای کې د دواړو هېوادونو ترمنځ د همکاریو څو سندونه لاسلیک شول.
