دید خبرې آژانس: پنجشېر ولایت کې د اسلامی امارت مشر د ځانګړي فرمان په اساس په دغه ولایت کې د صنعتي ښارګوټي لپاره زر جریبه ځمګه ځانګړې شوه.
د یاد ولایت د صنعت او سوداګرۍ رییس مولوي امین الحق ماثوري ویلي، چې د عالیقدر امیر المومنین حفظه الله د ځانګړي فرمان له مخې، د یاد ولایت په مرکز بازرک او ۷ ولسوالیو کې د صنعتي ښارګوټي لپاره د ځمکې د تثبیت لپاره اسناد بشپړ شوي، چې راتلونکي کال کې به یې د جوړولو چارې پیل شي.
د یادونې وړ ده، چې په دې وروستیو کې د هېواد په بېلابېلو ولایتونو کې د صنعتي ښارګوټو د جوړولو لپاره د امیرالمومنین حفظه الله د ځانګړي فرمان پر اساس زرګونه جریبه ځمکه ځانګړې شوې ده، چې د داخلي تولیداتو د زیاتېدو او اقتصادي پرمختګ لپاره یو مهم ګام ګڼل کېږي.
