پر غزې د اسرائیلي رژیم بریدونه؛ د فلسطینیانو د وژل شویو شمېر له ۲۰ زرو واوښت
دید خبری آژانس د خبر له مخې: په غزې باندې د اسرائیلو د رژیم د حملو د قربانیانو شمیرې په ډاګه کوی چې له ۷۶ ورځو راهیسی تراوسه له شل زره زیات فلسطینیان وژل شوی دی. په وژل شویو کې ۸۰۰۰ ماشومان او ۶۰۰۰ ښځې هم شاملې دي چې په هوايي او ځمکنیو بریدونو کې وژل شوي دي.
اسرائيلي رژيم په پرله پسې ډول په غزه کې د فلسطيني چارواکو له خوا د ملکي تلفاتو په اړه اعتراضونه کړي دي، خو د فلسطيني ملکي تلفاتو په اړه يې هيڅ ارقام نه دي خپاره کړي. نړیوال سازمانونه اکثرا د غزې د روغتیا وزارت لخوا چمتو شوي د تلفاتو احصایې په ګوته کوي.
د اسراییل رژیم ویلي دي چې د ملکي تلفاتو سربیره به د حماس پر ضد پوځي عملیات وندروي.
د ملکي وګړو مرګ ژوبلې د اسراییلو پر رژیم نړیوال فشارونه زیات کړي چې اوربند ومني. د امریکا د بهرنیو چارو وزیر د ولسي وګړو مرګ ژوبلې ته په اشارې سره وویل چې په غزه کې د جګړې شدت باید کم شي.
په هرصورت، په مصر او قطر کې د بندیانو د تبادلې لپاره د موقتي اوربند او غزې ته د نورو بشري مرستو د لیږلو لپاره خبرې روانې دي.
راپورونه وايي چې د حماس جګپوړو چارواکو مصر ته سفر کړی چې له مصري چارواکو سره د اوربند پر شرایطو خبرې وکړي.
