ډید خبري اژانس: د افغانستان لپاره د ایران سفیر او ځانګړی استازی حسن کاظمي قمي وايي، پر افغانستان د امریکا بندیزونه بشري ضد عمل دی. هغه زیاته کړه، داعش د سیمې د بې ثباته کولو لپاره یوه امریکایی پدیده ده.
کاظمي قمي زیاته کړه چې د اوکراین له کړکېچ وروسته په سیمه کې د افغانستان او ایران جئو پولیټیکل دریځ زیات شوی دی.
قمي: موږ باید په ځینو سیمه ایزو سترو پروژو کې څو اړخیز اتحاد جوړ کړو. د اقتصادي همکارۍ تر څنګ د کار زمینه برابروي او په ناامنیو کې د استخدام مخه نیسي.
د هغه په وينا، امريکا غواړي چې د طا-لبانو په تور لېست کې د افغانستان د بهرنيو چارو وزارت اړيکې تنظيم کړي.
په کابل کې د ایران ځانګړي استازي او سفیر پر افغانستان د امریکا بندیزونه ظالمانه وبلل او د بندیزونو د لیرې کولو او د کنګل شویو شتمنیو د خلاصون غوښتنه یې وکړه.
کاظمی قمی زیاته کړه امریکا په تیرو شلو کلونو کښې په هر ډګر کښې ناکامه شوې ده او اوس هیڅ نرم طاقت نه لری.
د سیمه ایزو اړیکو کمیټه
کاظمي قمي همداراز د سیمه ییزو اړیکو د کمېټې د جوړولو اعلان هم وکړ، چې د ده په باور له امریکا څخه د افغانستان د کنګل شویو پیسو په خلاصون کې به مرسته وکړي.
قمى: موږ يوه سيمه ييزه اقتصادي او امنيتي کمېټه جوړوو چې په دې برخه کې د افغانستان د کنګل شويو پيسو په خلاصولو کې مرسته وکړي.
تر دې مخکې ایران له افغانستان سره د مرستې لپاره د سیمه ییزو اړیکو د کمېټې د جوړولو اعلان کړی و. دا مسئله د تهران لخوا د روسیې په کازان ښار کې د مسکو په فارمټ غونډه کې راپورته شوه.
داعش د بشریت لپاره یو ګواښ دی
په کابل کې د ایران ځانګړي استازي او سفیر داعش ډله د بشریت لپاره ستر ګواښ وباله او ټینګار یې وکړ چې دغه ډله مشخصه جغرافیه نه پیژني.
کاظمي قمي: افغانستان له داعش سره په مقابله کې ښه کار کړی، خو داعش لا پای ته نه دی رسېدلی او د امریکا له خوا د داعش د رامنځته کېدو پروژه د سیمې د اندېښنې وړ ده.
هغه له اوسني وضعیت څخه د افغانستان پر وتلو ټینګار وکړ او ویې ویل چې په دې برخه کې باید ملي ظرفیت پیاوړی شي.
د کاظمي قمي په وینا، د افغانستان اوسنۍ داخلي ننګونې بهرني عوامل لري او نړیواله ټولنه باید د سیمه ییزو همکاریو له پلان څخه ملاتړ وکړي.
د نجونو تعلیم
په دې اړه کاظمي قمي وويل: د نجونو د تعليم په اړه مو د کابل مشران وهڅول، که د ټولنې نيمه برخه له علم څخه لرې پاتې شي، نو هېواد به له تحول او پرمختګ څخه پاتې شي.
هغه د نجونو د زده کړو په برخه کې د سیمه ییزو همکاریو د پیاوړتیا په اړه وویل: سیمه ییزې همکارۍ ورځ تر بلې پیاوړې کېږي.
له هیرمند څخه د ایران حقابي
په دغه خبري غونډه کښې په کابل کښې د ايران ځانګړي استازي او سفير هم د هیرمند سيند په سر د خپل هېواد د دعوې مسئله مطرح کړه او وې ويل: دښمنان د اوبو له موضوع څخه د اختلافاتو د رامنځته کولو لپاره استفاده کوي. کابل وايي د اوبو د حقونو تړون ته ژمن دی.
د قمي په وینا، په دې تړون کې ویل شوي چې اوبه هر څومره کمې وي، باید ایران ته ورکړل شي. تېر کال ډېرې اوبه ضایع شوې، خو د کابل چارواکو خواشیني څرګنده کړه.
موږ هیله لرو چې سږ کال به د اوبو حقونه ورکړل شي.
