پاکستان کې افغان کډوال: واشنګټن دې زموږ غوښتنو ته رسېدنه وکړي
دید خبرې آژانس: په پاکستان کې د امریکا متحده ایالاتو د کډوالۍ دوسیو لرونکي افغان کډوال، په یوې اعتراضیه غونډه کې له واشنګټنه غواړي چې د هغوی ننګونو ته رسېدنه وکړي.
دغو کډوالو ویلي چې درې کاله یې په پاکستان کې تېر کړي او له ګڼو اقتصادي ننګونو او د ناوړه چلند له ستونزو سره مخ دي.
په پاکستان کې د امریکا د کډوالۍ دوسیې لرونکی کفایتالله خان په دغې غونډه کې وویل:«هغه ضمانت چې ونهشي کړای خپل متحدین په ځانګړې توګه موږ افغانان چې نن د هغه لیک په واسطه چې دویم هېواد ته د تلو لپاره درېیم هېواد ته راغلي یو، ولېږدوي، د نړۍ په کچه خپل ارزښت او درنښت به له لاسه ورنهکړي.»
په پاکستان کې د امریکا د کډوالۍ دوسیې یوه لرونکې رییسې ویلي:«نور د دغه وضعیت د دوام وس نهلرو. د پاکستان پولیس د ویزې د نهلرولو له امله ټول افغانان وباسي. له ولسمشر ټرمپ، د امریکا د بهرنیو چارو وزیر او د امریکا له کانګرسه هیله لرو چې، لطفاً زموږ د لېږدولو کار دې بیا پيل کړي.»
سپینې ماڼۍ ته د ډانلډ ټرمپ له راتګ وروسته، د امریکا د پناهغوښتنې پروګرام د څلورو میاشتو لپاره وځنډول شو.
دا په داسې حال کې ده، چې دټکزاس ایالت جمهوري غوښتونکي استازي ډان کرنشاو له افغانستانه د امریکا د پخوانیو همکارانو پر اېستلو ټینګار کړی دی.
