ډید خبري اژانس: په هرات کې د بهرنیو چارو سرپرست وزارت د نمایندگی مرستیال رحمت الله فیضان ادعا کړې، چې پاکستان امریکایانو ته د افغانستان او ایران پولو ته څېرمه دوه اډې ورکړې دي.
په هرات کې دبهرنيو چارو سرپرست وزارت د نمایندگی مرستیال نن چهارشنبه (۲۹ حمل) د پاکستان دتحريک انصاف ګوند د غړي شيرافضل مروت له خولې وويل چې پاکستان په بلوچستان کې امريکا ته دوه پوځي اډې ورکړي دي.
ده وويل چې دغه اډې د افغانستان او ايران پولې ته څېرمه موقعيت لري.
فيضان په دې اړه نور جزئيات ورنه کړل.
په دې وروستیو کې طا-لب چارواکو ادعا کړې چې پاکستان دغه هېواد ته د امریکايي بې پیلوټه الوتکو د ګزمې لپاره اډه ورکړې ده.
دا په داسې حال کې ده چې پاکستان تل په خپله خاوره کې امریکایانو ته د اډې ورکولو ادعاوې رد کړې دي.
