دید خبرې آژانس: د ننګرهار د شهیدانو او معلولینو ریاست مسوولین وايي چې په دې ولایت کې زرګونه د شهیدانو او معلولینو کورنۍ ثبت او حقوق یې ورکړل شوي دي.
د یاد ولایت د شهیدانو او معلولینو رییس قاري محمد صابر ځواک ویلي چې په روان ۱۴۰۳ کال کې د دغه ریاست له لارې د شهیدانو او معلولینو کورنیو ته ۹۶۳ میلیونه افغانۍ حقوق ورکړل شوي دي.
نوموړي زیاته کړه چې د ولایت په کچه ۴۸ زره ۳ یتیمان، کونډې او معلولین ورسره ثبت دي، چې په هغې کې د تېرې ادارې او د اسلامي امارت دواړه کورنۍ شاملې دي.
د مسوولینو په وینا، په ننګرهار کې د شهیدانو کورنیو، معلولینو او یتیمانو ته د حقوقو ورکړه له خنډ پرته دوام لري او دوی ټولو معلولینو او د شهداوو کورنیو ته له تبعیض پرته یوشان خدمات وړاندې کوي.
