د دید آژانس د خبر له مخې، په تېر حکومت کې د ملي امنیت رییس رحمت الله نبیل ادعا کړې، چې د طا-لبانو یوه برخه د تاکتیکي اټومي وسلو د ترلاسه کولو په اړه څېړنه کوي.
رحمت الله نبیل ویلي چې ښايي طا-لبان دغه وسلې له پاکستانه ترلاسه کړي او یا یې د ترلاسه کولو لپاره انجینرانو ته پیسې ورکړي.
ښاغلي نبیل د تاجکستان په دوشنبه کې د هرات د امنیتي کنفرانس په ۱۱مه غونډه کې وویل، سیمه د طا-لبانو په اړه د پوهاوي، لید او اجماع له نشتوالي سره مخ ده.
د هغه په وینا، «نظرونه ډیر توپیر لري؛ ځینې یې افغانستان ته د یوه تور سوري په سترګه ګوري او ځینې یې د فرصت په توګه ګوري. په هرصورت، د افغانستان د بیرته راستنیدو لاره خپلو خلکو ته د دې مختلف نظرونو حل ته اړتیا لري».
د هرات یوولسم امنیتي کنفرانس نن دوشنبه (د قوس ۶) د تاجکستان په پلازمېنه دوشنبه کې د طا-لبانو د مخالفو څېرو، کارپوهانو او سیاستوالو په حضور کې جوړ شو.
