دید خبری آژانس د خبر له مخی، د ملی امنیت پخوانی مشر له مولانا فضل الرحمن سره د سرپرست حکومت د سفیر د کتنې په غبرګون کې ویلی دی چې له آی ایس آی څخه د رشوت په اخیستلو سره د تحریک طا-لبان پاکستان مشران تسلیم او یا خبرو اترو ته اړوی.
د پخواني حکومت د ملي امنیت رئیس رحمت الله نبیل په خپله ایکس پاڼه کې لیکلي چې مولانا فضل الرحمن د طا-لبانو مشرانو ته د رشوت په توګه په میلیونونو ډالر د افغانستان له اسلامي جمهوریت څخه تر لاسه کړي څو هغوی له پخواني رژیم سره خبرو ته قانع کړي.
هغه زیاته کړه: اوس چې په پاکستان کې انتخابات رانژدې شوي دي، ښايي هغه د پاکستان له استخباراتي سازمان څخه کافي ډالر ترلاسه کړي او داسې ښکاري چې د تحریک طا-لبان د مشرانو پر ځای د طا-لبانو ځینې مشران د رشوت په ورکولو سره راضي کړي تی تی پی (TTP) پاکستان ته یا تسلیم شه یا مذاکرات!
له بلې خوا راپورونه وايي چې مولانا فضل الرحمان ته یو «ځانګړی پیغام» استول شوی دی.
د پاکستان د جمعیت علما ګوند ویلي چې افغان طا-لبانو د دغه ګوند مشر مولانا فضل رحمان ته یو «ځانګړی پیغام» استولی دی.
دا پیغام په اسلام اباد کې د پاکستان د سفارت شارژدافیر سردار احمد شکیب فضل الرحمان ته استولی دی.
دغه ګوند د دغه پیغام جزئیات نه دي یاد کړي.
خو د راپورونو پر بنسټ، د طا-لبانو پیغام په افغانستان کې د فعالو تروریستي شبکو د مخنیوي لپاره د دوی هڅې دي.
باید وویل شي چې د سفارت مشر فضل الرحمن ته بلنه ورکړه چې افغانستان ته سفر وکړي.
