ملګري ملتونه: په تېره یوه میاشت کې په افغانستان کې د شیعه ګانو پر وړاندې تاوتریخوالی زیات شوی دی
ډید خبري اژانس: په افغانستان کې د ملګرو ملتونو د مرستندویه پلاوي دفتر (یوناما) اعلان کړی چې په تېره یوه میاشت کې په افغانستان کې د شیعه ګانو پر وړاندې تاوتریخوالی زیات شوی دی.
د دوشنبې په ورځ یوناما د وروستیو تاوتریخوالو په اړه د تحقیقاتو، د مرتکبینو حساب ورکولو او د خطر سره د هغو کسانو د ساتنې غوښتنه وکړه.
یوناما د فیسبوک ټولنیزې شبکې په یوه یادښت کې لیکلي، چې په تېره یوه میاشت کې افغانستان په کابل، بغلان او په دې وروستیو کې په هرات کې د شیعه هزاره ګانو پر وړاندې د تاوتریخوالي د زیاتېدو شاهد دی.
دغه سازمان زیاته کړه چې دا د قربانیانو سره خواخوږي لري او د تحقیقاتو، مرتکبینو ته د حساب ورکولو او په خطر کې د هغو کسانو لپاره د مرستې د زیاتوالي غوښتنه کوي.
د يادونې وړ ده، چې د جمعې په ورځ د هرات ښار د ١٣مې ناحيې اړوند د جبريل ښارګوټي د «ملي کوره» په سيمه کې ناپېژاندو وسله والو د يوه ریکشا سپرلۍ په ډزو ووژلې.
د دغه برید په پایله کې دوه شیعه دیني عالمان او څلور ښځې وژل شوي او درې نور ټپیان شوي دي.
د دې پېښې مسئولیت کومې ډلې پر غاړه نه دی اخیستی.
