ملګري ملتونه باید د دوحې غونډې ته د سیاسي شخصیتونو او جریانونو په بلنه کې له دقت څخه کار واخلي

ډید خبري اژانس: د جمعیت اسلامي ګوند مشر عطا محمد نور د دوحې غونډې ته په اشارې سره وايي، طا-لبان نه یوازې دا چې د خلکو استازیتوب نه کوي، بلکې د دوی له غوښتنو سره مخالف دي.

عطا محمد نور د ملګرو ملتونو په کوربه توب د دوحې دویمې ناستې ته په غبرګون کې ویلي، چې د طا-لبانو د تېرو دوه نیمو کلونو فعالیت دا ثابتوي، چې دوی له ولس سره په ټکر کې دي.

ده وویل: څرنګه چې د ملګرو ملتونو راتلونکې میاشت غونډه د افغانستان لپاره ډېره مهمه ده، نو پکار ده چې د سیاسي شخصیتونو او لاریونونو او مظاهره چیانو او مدني ښځو په رابللو کې زیات احتیاط وشي چې د افغانستان د خلکو ښه استازیتوب وکړي.

تر دې مخکې د افغانستان د ژغورنې لپاره د مقاومت ملي شورا د یوې اعلامیې په خپرولو سره په دې غونډه کې د ګډون غوښتنه کړې وه.

د نجات ملي مقاومت شورا په هغې اعلاميه کې چې خپره شوې ده له ملګرو ملتو وغوښتل چې د افغانستان په مسئله کې مهم او اغېزمن سيند ته په دې غونډه کې د معنوي شتون فرصت ورکړي.

د يادونې وړ ده، چې ټاکل شوې د افغانستان په اړه د ملګرو ملتونو دويمه غونډه د ډلو په ۲۸مه جوړه شي.