ملګرو ملتونو له افغان روغتیایي سیستم سره ۴۵ میلیونه ډالره مرسته اعلان کړه
د ملګرو ملتونو سازمان د افغانستان له سقوط کیدونکي روغتیایي سیستم سره د ۴۵ میلیونه ډالره مرستې اعلان وکړ.
د بشرپاله مرستواو بېړنیو مرستو په چارو کې د دغه سازمان د سرمنشی مرستیال مارتین گریفیتس چارشنبه، د سنبلې ۳۱مه کی وویل: دا مرسته به د نړیوال روغتیایي سازمان او یونیسف ادارو په واک کې ورکړل شي، چې د افغان روغتیایي سیستم د ژغورنې لپاره یې مصرف کړي.
څو ورځې مخکې نړیوال روغتیایي سازمان، چې رئیس یې کابل ته بېړنی سفر کړی و، د افغانستان روغتیایي سیستم د طالبانو له واکمنیدو وروسته له سقوط سره مخ وباله او ټینګار یې وکړ، چې عاجله پاملرنه ورته په کار ده.
د دغه وضعیت دلیل دا ښودل شوی، چې نړیوالو د طالبانو د واکمنیدو له کبله د نورو برخو ترڅنګ د افغانستان له روغتیایي سیستم سره هم خپلې مرستې ودرولي.
نړۍ د طالبانو واکمني په رسمیت نه پېژني او له دې کبله یې خپلې مرستې ورسره درولي دي.
طالبانو بیا له نړۍ غوښتي، چې خپلو بشرپاله مرستو ته دوام ورکړي.
