ملګرو ملتونو طا-لبانو ته د افغانستان د دایمي استازي څوکۍ نه ده ورکړې
دید خبری آژانس: په دغه سازمان کښې د افغانستان د دایمی څوکۍ د برخلیک د ځنډولو په هکله د ملګرو ملتو د اعتبار د کمیټې پریکړه د عمومی اسمبلۍ له خوا تصویب شوه.
د ملګرو ملتونو د اعتباري کمېټې دغه پرېکړه پرون ماسپښين د ملګرو ملتونو د عمومي اسمبلۍ په غونډه کې د يوه پرېکړه ليک په صادرولو سره تصويب شوه.
د ملګرو ملتونو د اسنادو کمیټې د افغانستان د دایمي ماموریت په اړه دوه مختلف لیکونه ترلاسه کړي، یو په اګست میاشت کې په ملګرو ملتونو کې د افغانستان د دایمي ماموریت د شارژدافیر نصیر احمد فایق له ادرس څخه او بل یې د سپتمبر په میاشت کې له د سرپرست حکومت د بهرنیو چارو وزارت.
د ملګرو ملتونو د عمومي اسامبلې په وروستۍ پریکړه کې راغلي دي: د مجلس رییس وړاندیز کړی چې د اعتباراتو کمیټه دې د میانمار او افغانستان د اسنادو ارزونه د راتلونکي لپاره وځنډوي.
د ۲۰۲۱ کال له اګست میاشتې راهیسې دا دریم ځل دی چې د ملګرو ملتونو عمومي اسمبلۍ طا-لبانو ته د افغانستان د دایمي استازي د څوکۍ ورکولو پریکړه ځنډولې ده.
په دې موده کې په ملګرو ملتونو کې د افغانستان د دایمي ماموریت شارژدافیر نصیر احمد فایق د دایمي ماموریت د چارو مسؤل دی او د افغانستان په استازیتوب په غونډو کې ګډون کوي.
فایق د ملګرو ملتونو د دې پرېکړې په اړه رسنیو ته وویل: «تر هغه چې طا-لبان د افغانستان د خلکو او نړیوالې ټولنې د غوښتنو سره سم د ټولو افغانانو په تېره بیا د ښځو او نجونو حقونو ته درناوی وکړي، د خلکو د ارادې او د قانون د حاکمیت پر بنسټ یوه هراړخیزه اداره رامنځته کړئ ن وای، هغوی په رسمیت پیژندلی نشی».
په ملګرو ملتونو کې د افغانستان او میانمار د دایمي استازيتوب په اړه د پرېکړې ځنډېدل په دې معنا دي چې د دغو هېوادونو اوسني استازي کولای شي پر خپل ځای پاتې شي او کار ته دوام ورکړي.
