ملا برادر: په ځینو بانکونو کې د نقدینگی ستونزه لا هم نه ده حل شوې
ډيډ خبري اژانس: د لومړي وزير د دفتر اقتصادي مرستيال د بانکي سيستم په اړه وويل، چې تر اوسه د يوه يا دوو بانکونو د نقدینگی ستونزه په بشپړه توګه نه ده حل شوې.
ملا عبدالغني برادر دغه موضوع نن یکشنبه (د دلو ۲۲ مه) د سترې اقتصادي شورا، د مالي ثبات کمېټې او د بانکونو ونډه والو په دویمه رهبري غونډه کې څرګنده کړه.
د صدراعظم د دفتر د اقتصادي مرستیال عبدالغني برادر د معلوماتو له مخې، عبدالغني برادر د مجاز خصوصي بانکونو له شریکانو او د مالي ثبات د کمېټې له غړو وغوښتل چې د نقدینگی د ننګونې په حل کې همکاري وکړي.
عبدالغني برادر د بانکونو له شریکانو وغوښتل چې افغانستان ته راشي او خپل بانکونه په ښه توګه اداره کړي او د هېواد د بانکدارۍ سکتور په وده کې ونډه واخلي.
هغه ډاډ ورکړ چې د طا-لبانو حکومت به د بانک د شریکانو ټولې ستونزې د قانون په چوکاټ کې حل کړي.
د طا-لبانو له واکمنۍ وروسته د افغانستان بانکي سکټور د سقوط په درشل کې و، چې له امله یې بانکونه د پیسو د ورکړې توان نه درلود.
په دې دوو کلونو کې شاوخوا درې میلیارده ډالره بشري نغدي مرستې افغانستان ته داخلې شوې او د طا-لبانو تر مدیریت لاندې مرکزي بانک هم نوي افغاني بانکنوټونه بازار ته وړاندې کړل. په هرصورت، دا لاهم ستونزمن او محدود دی چې له بانکونو څخه پیسې وباسي.
