دید خبري آژانس: د ریاست الوزرا اقتصادي مرستیال ملا عبدالغني برادر د یوه پلاوي په مشرۍ له کابله ترکیې ته روان شوی دی.
د صدراعظم د دفتر اقتصادي مرستیال څو شېبې وړاندې په یوه خبرپاڼه کې اعلان وکړ چې د صدراعظم د دفتر اقتصادي مرستیال ملا عبدالغني برادر آخند د یوه پلاوي په مشرۍ نن سه شنبه (د اسد ۱۷مه) ترکیې ته سفر وکړ.
په خبرپاڼه کې راغلي: ټاکل شوې ده په دغه سفر کې له ترکي چارواکو او په هغه هېواد کې له مېشتو افغان پانګوالو سره پر کتنو سربېره، د پانګونې د جلبولو په موخه په یوه لویه غونډه کې هم ګډون وکړي.
دا سفر په داسې حال کې کېږي چې پر افغانستان د طا-لبانو د واکمنۍ دوه کاله تېرېږي او تر اوسه په هېواد کې یو مشروع او عادي حکومت نه دی جوړ شوی.
