ډیډ خبري اژانس: د روسیې د ملي امنیت شورا مرستیال ویلي، چې د روسیې او طا-لبانو ترمنځ د بشپړو اړیکو د ټینګښت لپاره نږدې شوي دي.
دیمیتري مدودف دا خبره پرون (سه شنبه د زمري ۸ مه) له روسي تاس سره په مرکه کې وکړه.
هغه د ممنوعه ډلو له لست څخه د طا-لبانو د نوم د ایستلو په اړه د مسکو د پرېکړې په اړه وویل، چې دغه هېواد له طا-لبانو سره بشپړو اړیکو جوړولو ته نږدې شوی دی.
هغه زیاته کړه: «۲۰ کاله نسبتاً اوږده موده ده چې په ترڅ کې یې ډیری شیان بدلیدلی شي. د یوویشتمې پېړۍ په پیل کې موږ په دې باور وو چې طا-لبان ترهګر دي او امریکایان مو د افراطیت پر ضد جګړه کې ملګري ګڼل».
د روسیې د امنیت شورا مرستیال ټینګار وکړ چې اوس هر څه توپیر لری او امریکا له ترهګرو ملاتړ کوی.
هغه په دې باندې په ټينګار سره چې په تېرو شلو کلونو کې د جيوپوليټيک منظره بدله شوې ده، وويل چې اوس طا-لبان په واک کې دي او روسيه له هغوى سره بشپړو اړيکو ته نږدې شوې ده.
روسي چارواکي ویلي: «افغان چارواکي هڅه کوي چې په رغنده خبرو کې ګډون وکړي، موږ به معلومه کړو چې دوی په دې اړه تر کومه حده صادق دي».
په همدې حال کې د روسیې د بهرنیو چارو وزارت او د عدلیې وزارت د دغه هېواد ولسمشر ته خبرداری ورکړی چې د ترهګرو او ممنوع الخروج سازمانونو له لېست څخه د طا-لبانو نوم لرې کړي.
د روسیې ولسمشر ولادیمیر پوتین هم په یوه خبري غونډه کې ویلي، چې طا-لبان نن په افغانستان کې په واک کې دي او روسیه باید ورسره اړیکې ټینګې کړي.
