ډيډ خبري اژانس: د طا-لبانو وياند تاييد کړه چې د امريکا په ګډون د بهرنيو هېوادونو يو شمېر اتباع د دوى په بند کې دي.
د طا-لبانو ویاند ذبیح الله مجاهد تایید کړې، چې د امریکا په ګډون یو شمېر د بهرنیو هېوادونو اتباع د اسلامي امارت په زندان کې دي.
هغه د بنديانو د شمېر د جزئياتو او شمېرې له ورکولو پرته وويل، چې دغه کسان د «امنيتي ستونزو» په ګډون د ځينو مسايلو په تړاو زنداني شوي دي.
د طا-لبانو ویاند زیاته کړه چې که بهرني اتباع مجرم نه وي، خوشې به شي، خو که پر دوی جرم ثابت شي، د حل لاره به ورته ولټوو.
په دې وروستیو کې په قطر کې د طا-لبانو له پلاوي سره په خبرو کې امریکايي استازو د طا-لبانو په بند کې د امریکايي اتباعو د سمدستي او غیر مشروطه خوشې کېدو غوښتنه وکړه او ویې ویل چې د دغو کسانو نیول د مثبتو خبرو اترو پر وړاندې یو مهم خنډ دی.
امریکا د خپلو اتباعو د شمېر په اړه چې د طا-لبانو په بند کې دي، څه نه دي ویلي.
ځینې امریکايي چارواکي طا-لبان تورنوي چې امریکاییان یې یرغمل نیولي دي.
