اسلایدشوافغانستاناقتصاد او پراختیا
مالیې وزارت د امارتي ادارو د معاش د نورم بدلون په تړاو اوازې رد کړې
دید خبرې آژانس: د اسلامی امارت د مالیې وزارت د امارتي ادارو د معاش د نورم د بدلون په تړاو خپرې شوې اوازې رد کړې دي.
د مالیې وزارت د ویاند دفتر استول شوې خبرتیا کې راغلي دي: “د تېرو څو ورځو راهيسې په رسنيو او ټولنیزو پاڼو کې چې د امارتي ادارو د معاش د نورم د تغير په تړاو کوم لیستونه او اوازې خپرېږي؛ په مطلق ډول ناسمې دي.”
په خبرتیا کې راغلي چې ماليې وزارت، سره له دې چې دا لیستونه او اوازې ردوي؛ هېوادوالو ته ډاډ ورکوي چې د امارتي ادارو معاش به په دې اوونۍ کې د پخوا په څېر اجراء شي.
