مارشال دوستم د طا-لبانو پر ضد د جګړې لپاره د امریکا د سیاسي ملاتړ غوښتنه وکړه
ډید خبري اژانس: عبدالرشید دوستم د طا-لبانو د ماتولو لپاره له امریکا څخه د سیاسي ملاتړ غوښتنه کړې ده.
د ملي تحريک ګوند مشر مارشال دوستم له «رولينګ سټون» رسنۍ سره په مرکه کې ويلي، چې که طا-لبانو ته «درس» نه شي ورکولی، نوم يې دوستم نه دی.
هغه وویل: «طا-لبانو موږ دوکه کړل. له دوی سره باید په زور چلند وشي. موږ امریکايي ټانکونو او الوتکو ته اړتیا نه لرو. موږ یوازې د دوی سیاسي ملاتړ ته اړتیا لرو … که زه پوه شوم او دوی (طا-لبانو) ته درس نه شم ورکولی نو زه دوستم نه یم.
په دې مرکه کې دوستم ویلي چې د جوزجان د سقوط پر مهال د طا-لبانو د اوړي د برید پر مهال د نامعلومو «دښمنانو» له خوا مسموم شوی و.
هغه زياته کړه، چې هغه مهال له شبرغان څخه مزار شريف ته لېږدول شوى و او له هغه ځايه ترکيې ته د درملنې لپاره تللى و.
د دوستم زوی بابر ویلي، چې د پلار حالت یې نازک دی او «دوی تقریباً هغه وژلی دی».
د دوستم زوی زیاته کړه، کله چې طا-لبان شبرغان ته ورسېدل، مشر ورور یې یارمحمد هڅه وکړه، چې د جګړې کرښه وساتي، خو د دوستم له لرې کېدو او روغتون ته د بستر کېدو او د امریکايي ځواکونو له وتلو سره «مورال کمزوری شو».
دوستم د افغان پوځ د سقوط لامل د اشرف غني ناسمه رهبري وګڼله او ويې ويل: «موږ د داسې يو کس په لاس کې وو، چې د طا-لبانو پر ضد يې خلک راټول نه کړل. زه یو سرتیری یم او د افغانستان په ټولو برخو پوهیږم.»
هغه وايي چې پلان يې درلود چې د ولسواليو او ښارونو د بيا نيولو او طا-لبان د سولې خبرو ته اړ کړي، خو غني له هغه غیبت کوي او امريکايانو يې خبرو ته غوږ ونه نيو.
دوستم اوس وايي چې چمتو دی طا-لبانو ته بیا ماتې ورکړي.
هغه وویل: «مهرباني وکړئ نړۍ ته ووایاست، امریکا ته ووایاست، جو بایډن ته ووایاست چې له پنټاګون، سي آی اې او هغه جنرالانو څخه پوښتنه وکړي چې زما سره کار کوي که زما ملګري هغه څه کولی شي چې هغه یې وايي هغه کولی شي.» هو زه کولی شم که دوی ماته سیاسي ملاتړ راکړي، د طالبانو مسله ختمه ده. په ۲۴ ساعتونو کې به د یوې غونډۍ په سر افغانستان ته راشم.
