له طا-لبانو سره د دوامدارو خبرو اترو په اړه د امریکا او پاکستان د بهرنیو چارو وزیرانو سلا مشورې
د دید خبری آژانس د خبر له مخې د پاکستان او امریکا د بهرنیو چارو وزیرانو په یوه ټیلیفوني تماس کې له طا-لبانو سره د دوامداره اړیکو او په افغانستان کې د بشري ناورین پر وړاندې د مبارزې پر څرنګوالي خبرې وکړې.
د پاکستان د بهرنیو چارو وزارت د چهارشنبې په ورځ (د چنګاش ۱۵مه) د بهرنیو چارو د وزیر بلاول بوټو زرداري او د امریکا د بهرنیو چارو د وزیر انتوني بلینکن ترمنځ د ټیلیفوني خبرو په اړه یوه خبرپاڼه خپره کړه.
په دې خبری اتری کې دواړو لورو د دواړو هېوادونو ترمنځ د اړيکو د پراختيا په باب د خبرو ترڅنګ په افغانستان کې له بشري ناورين سره د مقابلې لپاره له طا-لبانو سره د دوامدارو خبرو اترو پر اړتيا هم خبرې وکړې.
دوی دغه راز د خپلو هېوادونو ترمنځ د سوداګریزو اړیکو د پیاوړتیا او د انرژۍ، روغتیا، امنیت او اقتصادي پرمختګ په برخو کې د متقابلو همکاریو په اړه د نظر تبادله وکړه.
دا په داسې حال کې ده چې په دې وروستیو کې یو شمېر هېوادونه په افغانستان کې د بشري ناورین د مخنیوي لپاره له طا-لبانو سره پر خبرو ټینګار کوي.
د يادونې وړ ده چې د طا-لبانو له واک ته د رسېدو شاوخوا لس مياشتې تېرې شوې، خو تر اوسه هېڅ هېواد هغوى په رسميت نه دي پېژندلي.
