قطر: د دوحې غونډه د خبرو اترو لپاره مهم فرصت دی
دید خبرې آژانس: محمد بن عبدالعزیز الخلیفي د قطر د بهرنیو چارو وزير وایي چې د دوحې دریمه غونډه د «معنا لرونکو خبرو اترو لپاره یو مهم فرصت» بللی دی.
د قطر د بهرنیو چارو وزیر په یوه بيانيه کې ویلي، قطر چمتو دی چې د افغانانو د کړاوونو د کمولو لپاره پرله پسې هڅې وکړي.
دې قطري چارواکي ټینګار کړی چې هېواد یې په افغانستان کې د ثبات او امنیت د تامین لپاره د هر ډول سیمه ییزو او نړیوالو هڅو ملاتړ کوي.
محمد بن عبدالعزیز الخلیفي پرون د دوحې د غونډې د پرانیستې په مراسمو کې ويلي چې له افغانستان سره د همکاریو د ګډو لارو د موندلو لپاره د لومړۍ او دویمې ناستې په دوام درېیمه غونډه جوړه شوې ده.
دا په داسې حال کې ده، چې ښځو او د بشري حقونو سازمانونو او فعالانو د دوحې د غونډې په اجنډا کې د بشري حقونو؛ په ځانګړې توګه د ښځو د حقونه او د هغوی د استازو نشتون له امله پراخ اعتراضونه کړي او ياده غونډه يې «غندلې» ده.
په همدې حال کې په کاناډا کې مېشتو یو شمېر افغانانو د نړۍ له هېوادونو د دوحې د غونډې د غندنې غوښتنه کړې ده.
افغان اعتراض کوونکو په یوه پرېکړه لیک کې ویلي، «د دوحې د ناستې هر ډول پایلې د افغان ښځو او مدني ټولنې د استازو د نه شتون له امله باطلې دي.»
د دوحې د غونډې دویمه ورځ څو دقیقې مخکې پیل شوه او ټاکل شوې چې په سیمه ییز وخت د ماسپښین تر ۳ بجو به دوام وکړي.
