ډید خبري اژانس: په واشنګټن کې د فیلیپین سفیر ویلي چې د امریکا حکومت له دغه هېواده غوښتي چې امریکا ته تر رسېدو پورې دې سیمه ییز افغان همکاران ومني.
فلیپین پرون اعلان وکړ چې د هغو افغان کډوالو پر منلو کار کوي چې په افغانستان کې یې د امریکا د حکومت په بېلابېلو پروژو کې کار کړی دی.
په واشنګټن کې د فیلیپین سفیر خوزه مانویل روموالدز راپور ورکړ چې متحده ایالاتو دا غوښتنه د ۲۰۲۲ په اکتوبر کې سپارلې وه.
د هغه په وينا، افغان کډوال به په موقت ډول په دغه جنوب ختيځې اسيا هیواد کې تر هغه وخته پاتې شي، چې واشنګټن ورته د کډوالۍ ځانګړې ويزه ورکړي.
هغه زیاته کړه: د (فلیپین) حکومت دغه وړاندیز په دقت سره مطالعه کوي.
د فیلیپین سفیر ویلي، چې د تښتېدلو افغانانو په اړه به پلټنې وشي، خو که د دوی ویزې رد شي، بېرته به افغانستان ته واستول شي.
د يادونې وړ ده، چې اوسمهال زرګونه افغانان چې د امريکا په بېلابېلو پروژو کې يې په افغانستان کې کار کړى، په ګاونډيو هېوادونو کې مېشت دي او واشنګټن ته په دې انتظار دي، چې دوى به د کډوالو په توګه ومني.
