فرانسه: له دې وروسته د فلسطیني دولت په رسمیت پېژندنه «ممنوع» نه ده
ډید خبري اژانس: د فرانسې ولسمشر ایمانویل مکرون وايي، له دې وروسته (پر غزې د اسرائیلو له خونړیو بریدونو) وروسته د فلسطین د خپلواک دولت په رسمیت پېژندل د پاریس لپاره ممنوع نه دی.
د فرانسې ولسمشر زیاته کړه که د اسرائیلو او فلسطین د دوو دولتونو د جوړولو هڅې د اسرائیلو د مخالفت له امله ناکامې شي، فرانسه به د فلسطین د خپلواکۍ په رسمیت پېژندلو پرېکړه وکړي.
مکرون له دې مخکې هم ټینګار کړی چې په منځني ختیځ کې له اوسني کړکېچ څخه د ژغورنې یوازینۍ لار د یوه خپلواک فلسطیني دولت جوړول دي.
له دې مخکې د اسرائیلو د رژیم د مالیې وزیر او د امنیت وزیر د یوه خپلواک فلسطیني دولت د جوړولو له پلان سره مخالفت کړی و.
د اسرایلو د مالیې وزیر بیزلیل سموتریچ د امریکا لخوا د فلسطیني دولت د جوړولو د پلان د پرمخ بیولو د هڅو په اړه د رپوټونو په ځواب کې وویل: مونږ به په هیڅ صورت له دغه پلان سره موافقه ونه کړو.
د اسرایلو د ملي امنیت وزیر یتمار بین ګویر هم په راتلونکو اونیو کې د فلسطین د دولت په رسمیت پیژندلو لپاره د امریکا پر پلان سختې نیوکې وکړې.
د ینیټ خبري سایټ د بین ګویر له قوله لیکلي: “د متحده ایالاتو اراده چې د عربي هیوادونو سره یوځای د اسراییل تر څنګ یو ترهګر دولت رامینځته کړي، یو خیال او د غلط تاثر یوه برخه ده چې ګواکې د سولې لپاره یو ملګری شتون لري. بل اړخ.”
دا څرګندونې د واشنګټن پوسټ د هغه راپور په غبرګون کې کېږي چې د اسرایلو اصلي متحد امریکا متحده ایالات د یوه فلسطیني دولت د جوړولو پر پلان کار کوي.
