د دید خبري آژانس د خبر له مخې د جمعیت اسلامي ګوند مشر عطاء محمد نور پر ټولنیزو شبکو په یوه پوسټ کې له طا-لبانو سره د لیدو اوازې رد کړې دي.
ښاغلي نور پرون ماشام (سه شنبه) په یوه پوسټ کې لیکلي چې له طا-لبانو سره شخصي ملاقاتونو ته لېواله نه دی.
هغه لیکي: هغه ډله چې د اسلام په نوم، د دیني احکامو او اخلاقو خلاف، د هغه ظلم او جنایت په وړاندې چې په غزه کې روان دي او د ټولو بې ګناه فلسطینی ښځو او ماشومانو په شهادت سره د مظلومو وینو تویول دي. او د خپلو بادارانو په امر او د پيسو په ترلاسه کولو سره يې مرګوني چوپتيا نيولې ده، په داسې حالاتو کې له دې ډلې سره هر ډول ملاقات او خبرې کول ګناه ګڼم.
عطا محمد نور زیاته کړه، که مذاکرات د مهمو مسایلو او په هېواد کې د سولې لپاره وي، د شخصي امتیازاتو د غوښتلو له امله به په کې برخه واخلي.
ښاغلی نور: که د خپلو خلکو او خاورې د ګټو لپاره، د سولې او د هېواد د کړکېچ د هواري په موخه غونډه جوړېږي، چې د هراړخیزو خبرو اترو له لارې ترسره کېږي، له شک پرته زموږ پراخې طرحې، په واک کې مشروع ګډون، د هېواد د راتلونکي نظام ډول، د خلکو ګټې، د واک عادلانه وېش به په افقي او عمودي ډول د هېواد د توکميزو ډلو د شتون وړانګو سره متناسب وي، نه د شخصي امتيازاتو په لټه کې.
نوموړي په دې ليکنه کې ويلي، چې ايران ته د خالد نور (د هغه د زوى) سفر او د رییس الوزرا اقتصادی معین ملا عبدالغني برادر سره ليدنه، بشپړ دروغ دي.
