عدلیه وزارت: ۲۵۰ زره جریبه غصب شوې ځمکه تثبیت او راګرځولې شوې
دید خبرې آژانس: د طا-لبانو د عدلیه وزارت وایي چې د هیواد په ۲۳ ولایتونو کې له ۲۵۰ زرو جریبو د زیاتو دولتي ځمکو تثبیت او راګرځول شوي.
برکت الله رسولی، ددغه وزارت ویاند ویلي، په ۳۳ ولایتونو کې ۵۶۰ زره جریبه ځمکه تر ارزونې لاندې ده.
رسولي وايي، په ۷ ولایتونو کې ۳۴ زره جریبه ځمکه مسترده شوې او په ۳۳ ولایتونو کې ۵۶۰ زره جریبه ځمکه تر ارزونې لاندې ده.
ښاغلی رسولي زیاتوي: « د زرګونو جریبو ځمکو د ارزونې، تثبیت او استرداد بهیر دوام لري، په دې تړاو ځينې دوسیې هم د کمیسیون له لوري او په ولایتونو کې د پلاو له لوري پر مخ وړل کیږي.»
عدلیې وزارت وايي، د دولتي ځمکو د تثبیت، ارزونې، او استرداد بهیر په ټولو ولایتونو کې دوام لري او د زرګونو نورو غصب شویو ځمکو دوسیې هم د یوه کمیسیون تر ارزونې لاندې دي چې پلاوي یې په ولایتونو کې هم شته.
تر دې مخکې عدلیې وزارت ویلي و چې په تېر یوه کال کې، څلور څلوېښت جریبه ځمکه، کورونه، هټۍ، کلینکونه او یو شمېر نور دولتي جایدادونه مشخص او له غصبه ازاد کړي دي.
