عبدالله د عدالت غوښتونکیو اعتراضاتو د پای ته رسېدو غوښتونکی شو
د هغه ګزارش له مخې، چې د دید خبرګزارۍ ته رارسېدلی دی، عبدالله عبدالله د حکومت اجرایه رییس د جمعیت اسلامي افغانستان د ګوند له استازیو سره په کتنه کې د عدالت غوښتونکیو اعتراضاتو د پای ته رسېدو غوښتونکی شو.
ښاغلي عبدالله په دې لیدنه کې ویلي دي : د عدالت غوښتونکیو مظاهرې باید پای ته ورسي .
اجرایه رییس همداراز ویلي دي : هېڅوک دې د کابل د سه شنبه ورځې د نړیوال کنفرانس د جوړېدو خنډ نشي .
هغه اضافه کړي دي : د لوړپوړیو امنیتي چارواکیو ګوښه کول دې د کابل نړیوال کنفرانس تر جوړېدو مخکې بیخی مطرح نشي.
عبدالله د جمعیت اسلامي له استازیو سره په کتنه کې ومنله، چې د کابل د خلکو مظاهره مسالمت آمیزه او عدالت غوښتونکې وه او و یې ویل : تر کابل کنفرانس روسته به یې د راتلونکې موضع په باب هوډ وکړي .
په دې څو روستیو ورځو کې په کابل کې اعتراضي غونډې کېږي، چې لسګونه تنه پکې ټپیان او وژل شوي دي .
