عاجل: اشرف غني د سراج الدین حقانی سره کتلي دي
دید خبرې آژانس: ځينې سرچینې انډیپنډنټ فارسی ته ویلي چې د افغانستان پخواني ولسمشر محمد اشرف غني د سه شنبې په ورځ « د جوزا ۱۵ » په متحده عربي اماراتو کې د حقاني شبکې له مشر او د طالبانو د کورنيو چارو له وزیر سراج_الدین_حقاني سره وکتل.
سراج الدین حقاني له عبدالحق وثیق او انس حقاني سره یوځای په خپل لومړي بهرني سفر کې متحده عربي اماراتو ته تللی دي.
د #اشرف_غني د ولسمشرۍ قانوني موده د روان کال د جوزا په ۱۵مه پای ته ورسېده او پر همدې بنسټ دغه سرچینې ګومان کوي چې د دوحې د درېیمې دورې ناستې په څنډه کې د غني او حقاني تر منځ غونډه طا-لبانو ته د مشروعیت ورکولو په هدف جوړه شوې وی.
د افغانستان په اړه د دغو سرچینو د معلوماتو له مخې، د اشرف غني او سراج الدین حقاني ترمنځ لیدنه د متحده عربي اماراتو د حکومت په پادرمیاني ترسره شوه.
د هغو معلوماتو له مخې چې د افغانستان د پخواني حکومت د چارواکو له خوا خپاره شوي وو، د ۲۰۲۱ کال د اګست په ۱۵مه او مخکې له دې چې اشرف غني له کابل څخه متحده عربي اماراتو ته وتښتي، د غني د خپلوانو او د حقاني شبکې د مشرانو تر منځ تماسونه موجود وو، چې له غني او د هغه سره یې مرسته وکړه. خپلوان يي له کابله په خوندي توګه ووځي.
خو متحده عربي اماراتو ته د سراج الدین حقاني سفر یو ځل بیا پر نوموړي د نړیوالو بندیزونو او د هغه د وژل کېدو او یا نیول کېدو په اړه د معلوماتو پر سر د ۱۰ میلیونه ډالرو انعام مساله راپورته کړې ده.
انډیپنډنټ فارسي
