طا-لبان په نمیروز ولایت کې دبهرنیو اسعارو راکړه وړکړه بنده کړله

دید خبرې آژانس: طا-لبانو په نیمروز ولایت کې په بهرنیو اسعارو د راکړې ورکړې مارکېټونه، دوکانونه او غرفې وتړلې

په نیمروز ولایت کې هغه مارکېټونه، دوکانونه او غرفې د طا-لبانو لخوا تړل شوې چې په بهرنیو اسعارو راکړه ورکړه کوله.

نیمروز له ایران او پاکستان سره ګډه اوږده پوله لري او د راپورونو له مخې ایراني تومان او پاکستاني روپۍ په‌کې کارول کېږي.

د طا-لبانو ولایتي چارواکو پرون دوشنبه د یوې اعلامیې په خپرولو سره ویلي چې دا اقدام یې د ښاري نظم د کمېټې په وړاندیز کړی دی.

اعلامیه زیاتوي چې دا پرېکړه له څو سپارښتنو وروسته عملي شوه.

که څه هم د افغانستان په بېلابېلو سرحدي ولایتونو کې د بهرنیو اسعارو د کاروونې د مخنیوي لپاره د افغانستان د تېر نظام له‌خوا هم هڅې شوې وې، خو تر څه مودې وروسته به بیا په تومان یا پاکستاني روپیو پلور او پېر کېده.