طا-لبان افغان ښځو ته جدي ګواښ دي
دید خبرې آژانس: د افغان ښځو او ماشومانو د هوساینې د پياوړتيا بنسټ په یوه خبرپاڼه کې ویلي، طا-لبان په هېواد کې د ښځو لپاره یو «جدي، مستقیم او پراخ ګواښ» دی.
![](https://ps.didpress.com/wp-content/uploads/2024/07/زنان-و-طالبان-1024x576.jpg)
دغه سازمان د شنبه هاى ارغواني غورځنګ د اټکل له مخې ویلي چې ۹۵ سلنه افغان ښځې د طا-لبانو څخه په وېره کې ژوند کوي.
د دغه سازمان په خبرپاڼه کې راغلي، د ښځو پر ازادۍ او حقونو د طا-لبانو سختو محدودیتونو د ښځو خوځښت او خپلواکي محدوده کړې ده.
په خبرپاڼه کې همداراز ویل شوي: «هغه ښځې چې یو وخت متخصصې، لارښوونکې او فعالې وې، اوس ځان چوپتيا او څنډې کې ويني.»
د ښځو او ماشومانو د هوساینې بنسټ وايي، په افغانستان کې د بشري حقونو او د ښځو د وضعیت د بدلون لپاره د نړیوالې ټولنې هڅې تر ډېره بې اغېزې دي.
دغه بنسټ زیاتوي، «نړیوال غبرګونونه اکثراً له عمل پرته غندي او افغان ښځې په زیاتېدونکي دښمنانه چاپیریال کې د خپل ځان وساتنې لپاره پرېږدي.»
د دغه بنسټ په یوه خبرپاڼه کې راغلي، د طالبانو د حساب ورکولو لپاره د قوي نړیوال میکانیزم نشتوالي دوی زړورکړي او د دوی «ظالمانه» سیاستونه یې لا پسې زیات کړي دي.
دغه بنسټ زياتوي، چې د دې ترخو واقعیتونو سره سره، افغان مېرمنې په هره طریقه چې دوی یې کولی شي مقاومت ته دوام ورکوي. د ځمکې لاندې ښوونځي، پټې غونډې او په ټولنیزو رسنیو کې د دوی فعالیتونه د طا-لبانو د محدودیتونو د شاته کولو لپاره هغه طريقې دي چې دوى يې کاروي.
د افغانستان د ښځو او ماشومانو د هوساینې بنسټ په نړیواله ټولنه غږ کړی چې د اندېښنو له څرګندولو څخه هاخوا د اغیزمنو اقداماتو د پلي کولو لپاره چې د مساوات او آزادۍ په مبارزه کې د افغان میرمنو ملاتړ کوي.اقدام وکړي.