د اڅکزي ادعا:
طا-لبانو په کندهار کې د امریکايي بې پیلوټه الوتکو د الوتنې لپاره اډه جوړه کړې ده
دید خبري آژانس د خبر له مخې، د پاکستان د بلوچستان ایالت د استخباراتو پخواني وزیر جان اڅکزي ادعا کړې چې په کندهار کې طا-لبانو د امریکايي بې پیلوټه الوتکو اډه جوړه کړې ده.
اڅکزي دغه څرګندونې د دوشنبې په ورځ (۱۳ حمل) په خپله ایکس پاڼه لیکلي.
د پاکستان د بلوچستان ایالت د اطلاعاتو د پخواني وزیر په وینا، طا-لبانو دا اقدام د داعش د خراسان څانګې پر ضد د جګړې لپاره کړی دی.
په تیرو څو ورځو کې د هیواد په ګوټ ګوټ کې د نامعلومو بې پیلوټه الوتکو د ګزمې راپورونه خپاره شوي دي.
که څه هم دا نه ده څرګنده چې دا الوتکې د کوم هېواد دي، خو پرون ذبیح الله مجاهد امریکا د افغانستان له هوايي حریم څخه په سرغړونې تورنه کړه.
مجاهد زیاته کړه: «بې له شکه دغه الوتکې د امریکا متحده ایالات دي او له ګاونډیو هیوادونو څخه افغانستان ته داخلیږي. ټول هیوادونه باید په دې برخه کې خپل مسوولیت وپيژني او دغه تیري ودروي».
