طا-لبانو په هرات کې د شیعه ګانو د هدفي وژنې مسوول «داعشی تیم» د له منځه وړلو اعلان وکړ
دید خبری اژانس: د هیواد په لویدیځ کښې په دیني عالمانو او شیعه ګانو له هدفي بریدونو وروسته طا-لبانو د داعش د یوه مهم غړي د وژل کیدو او د څو تنو د نیولو خبر ورکړ.
ويل کيږي چې په دې وروستيو وختو کې د هېواد په لويديځ کې د کشفي ځواکونو په عملياتو کې له داعش سره د تړاو په تور يو تن وژل شوى او يو شمېر يې نيول شوي دي.
درارسيدلو خبرونو له مخې، دغې تروريستي ډلې په هرات کې د شيعه ضد عملياتو په بهير کې لاس درلود او له وژل شوي کس څخه دوه ميله وسلې ترلاسه شوي دي.
په داعش پورې تړلې د دغې ترهه ګرې ډلې وروستی عمل د سلواغې د میاشتې لسمه نیټه وه چې د هرات ولایت په جبریل ښارګوټی کښې د دیني عالمانو په شمول د یو شمیر شیعه وګړو د شهادت سبب شو.
ویل شوي، چې په نیول شویو کسانو کې یو شمېر ډېر مهم دي او په ډېرو جرمونو کې لاس لري.
د طا-لبانو د خبرپاڼې له مخې، په دې اړه یوه تخنیکي او مسلکي ټیم خپلې څېړنې پیل کړې او تمه ده چې په دې برخه کې به نور جزئیات ترلاسه شي.
