دید خبری اژانس: د پاکستان لومړی وزیر شهباز شریف ویلی دی هیواد یې له هند سره د جنګ په لټه کښې نه دی او د پاکستان اټومی قدرت د دفاع لپاره دی نه د تیری لپاره.
د آؤټ آف انډیا د راپور له مخې، د پاکستان لومړي وزیر شهباز شریف ویلي، هېواد یې له هند سره د جګړې په لټه کې نه دی او هڅه کوي له دغه ګاونډي هېواد سره پاتې اختلافات هم هواري کړي.
د پاکستان لومړي وزیر وویل چې جګړه یو انتخاب نه دی، اسلام اباد چمتو دی چې له هند سره د ټولو موجودو مسلو د حل لپاره خبرو اترو ته چمتو شي.
شریف وویل: “موږ له هرچا سره خبرو ته چمتو یو، حتی له خپل ګاونډي هند سره، په دې شرط چې ګاونډی هېواد د مسلو په اړه خبرو کې جدي وي، ځکه جګړه نوره لاره نه ده”.
د پاکستان لومړي وزیر د پاکستان او هند ترمنځ د جګړې تاریخ ته په اشارې سره وویل چې دغه جګړه د غربت، بې روزګارۍ او د تعلیم، روغتیا او د خلکو د هوساینې لپاره د مالي سرچینو د نشتوالي لامل شوې ده.
ده ووئيل د پاكستان ایټمي طاقت د دفاعي مقاصدو لپاره دے نه د جارحيت لپاره۔ شریف ټینګار کړی، چې پاکستان د اټمي شخړې له تور اړخ څخه ښه خبر دی، هند هم باید پرې پوه شي.
نوموړي دا څرګندونې په داسې حال کې کړي چې د ترهګرۍ او د کشمیر په مسله کې د هند او پاکستان په اړیکو کې روان کړکېچ روان دی. هند او پاکستان له ۱۹۴۷ کال راهیسې له خپلواکۍ وروسته درې ځلې جګړې کړې دي. په وروستۍ جګړه کې ۹۰۰۰ پاکستاني پوځیان وژل شوي او تر ۲۵۰۰۰ زیات ټپیان شوي دي.
هند هم څلور زره تنه مړه او ټپیان کړل. دا جګړه د کشمیر په سیمه کې د “کنټرول کرښې” د راښکته کیدو لامل شوه چې له مخې یې د “جمو او کشمیر” ایالت د “سرینګار” ښار مرکز هند ته وسپارل شو او غرنۍ سیمې یې لږ نفوس درلود. پاکستان ته ورکړل
