ډید خبري اژانس: سیګار د نړیوال بانک د یوه راپور په حواله ویلي چې په افغانستان کې د ځوانانو د بېکارۍ کچه د اندېښنې وړ لوړه ده.
د افغانستان د بیارغونې لپاره د امریکا د ځانګړي مفتش دفتر (سیګار) په دې وروستیو کې په ایکس کې لیکلي چې د خلکو د هوساینې د څارنې په برخه کې د نړیوال بانک د وروستۍ سروې له مخې د ښځو او نارینه وو ترمنځ د بېکارۍ کچه د اندېښنې وړ ده.
د نړیوال بانک سروې خبرداری ورکوي چې د ځوانانو او ښځو ترمنځ د بیکارۍ کچه په خطرناکه توګه لوړه ده.
راپور تشریح کوي چې د ۱۴ او ۲۴ کلونو ترمنځ په هرو دریو ځوانانو کې یو یې وزګار دی چې د دندې په لټه کې دي.
راپور زیاتوي چې په ورته عمر ګروپ کې د ځوانو میرمنو په منځ کې بیکارۍ نږدې دوه چنده لوړه ده.
د دې راپور پر بنسټ، سره له دې چې په فزیکي خوځښت کې محدودیتونه او د کار بازار سره د آشنایی نشتوالی، ښځې هم «د زده کړې او ابتدايي سواد د نشتوالي له امله په زیان کې دي».
بايد يادونه وشي، چې د بېکارۍ له زياتوالي او د بې وزلۍ له امله ځوانان له رواني ستونزو سره لاس او ګرېوان دي او کله ناکله ځان وژنې هم کوي.
