دید خبرې آژانس: سپینې ماڼۍ ویلي، چې د امریکا ولسمشر جوبايډن او د هغه ډله د سوریې حالت له نږدې څاري. د بشرالاسد د حکومت تر پرځېدو سملاسي وروسته سپینې ماڼۍ په یوه بیان کې ویلي، چې د ولسمشر بایډن د سوریې وضیعت له نږدې څاري.
د سپینې ماڼۍ د ملي امنیت ویاند سین ساوېت پر خپل اېکس پاڼه لیکلي، چې ولسمشر بایډن او د هغه ډله د سوریې وضیعت له نږدې څاري او بایډن له خپلو سیمه ییزو ملګرو سره په دوامداره اړیکه کې دی.
د بشرالاسد د حکومت وسله والو مخالفو نن یکشنبه سهار اعلان وکړ، چې په سوریه کې یې د اسد د کورنۍ رژیم پرځولی دی.
بل خوا تېره ورځ د امریکا ټاکل شوي ولسمشر ډونالډ ټرمپ د سوریې د وضیعت په اړه د بایډن پر ادارې غږ کړی و، چې د سوریې جګړه په امریکا پورې تړاو نه لري او باید هیڅ لاسوهنه په کې ونه کړي.
