Uncategorizedاسلایدشوافغانستاننړۍ
سلوانیا هم فلسطین په رسمیت وپیژانده
دید خبرې آژانس: د صهیونیسټي رژیم د جنایتونو په وړاندې له فلسطین څخه د نړۍ له ملاتړ وروسته د سلوانیا پارلمان د رایو په اکثریت سره فلسطین په رسمیت وپیژانده.
د سلوانیا لومړي وزیر رابرټ ګلوب وویل چې د یوه خپلواک هیواد په توګه د فلسطین په رسمیت پیژندل د نوار غزه او کرانه باختری خلکو ته امید لیږي.
د سلوانيا پارلمان د دغه هېواد د حکومت په غوښتنه د رايو په اکثريت سره فلسطين د يوه خپلواک هېواد په توګه په رسميت وپېژندل.
د سلوانيا ملي تلويزيون RTV خبر ورکړى چې دغه غوښتنه په ٥٢ موافقو او صفر مخالفو رايو سره تصويب شوه.
د يادونې وړ ده، چې تر دې وړاندې اسپانيا، ناروې او ايرلنډ د هغو اروپايي هېوادونو په ډله کې وو، چې فلسطين يې په رسميت پېژندلى و.