دید خبري آژانس: د فواید عامې وزارت اعلان کړی، چې د سالنګ لاره د بار وړونکو او مسافر وړونکو موټرو پر مخ پرانیستل شوې ده.
د سالنګ لویه لار نن پنجشنبه (د جدی ۷ مه) د مسافرو او بار وړونکو موټرو پر مخ پرانیستل شوه.
د فواید عامې وزارت د یوې خبرپاڼې په خپرولو سره ویلي چې مسافر وړونکي بسونه په عادي او دوه اړخیزه توګه د تګ راتګ اجازه لري، خو بار وړونکي موټر به د مهال ویش له مخې د سالنګ له لارې تېرېږي.
دغه وزارت له موټر چلوونکو څخه غوښتي دي چې په جدی توګه د اضافي وزن له وړلو ډډه وکړي.
د سالنګ لویه لار له شاوخوا څلورو میاشتو تړل کېدو وروسته د قوس په ۲۹ مه یوازې د کوچنیو مسافر وړونکو موټرو پر مخ پرانیستل شوه.
د سالنګ د ٨٠ کيلومتره لويې لارې د بيارغونې کار د کب په ٢١مه پيل شو، خو له سنبلی ۸ څخه دغه لار په بشپړه توګه د ترافيکو پرمخ تړل شوې وه.
