رییسالوزرا له اسلامي نظام څخه د خلکو پر ملاتړ ټينګار وکړ
د سرپرست حکومت، رییسالوزرا ملا محمد حسن اخند له اسلامي نظام څخه د خلکو پر ملاتړ ټینګار کړی ده.
رییس الوزرا په خپل اختریز پیغام کې د اوسني نظام د پیاوړتیا او ساتنې لپاره د خلکو ملاتړ او همکاري خورا مهمه بللې ده.
رییسالوزرا همدارنګه د سرپرست حکومت له چارواکو غوښتي چې، له هېوادوالو هېڅ ډول مرستې ونه سپموي.
د اسلامي امارت ویاند ذبیحالله مجاهد، د ملامحمد حسن اخند د اختریز پيغام په تړاو داسې وايي:«له نظامه د ملاتړ په برخه کې د خلکو همکاري ډېره وي. په امنیتي، اقتصادي او د هېواد په بیارغونه کې باید همغږي ډېره وي.»
بل خوا پخواني ولسمشر حامد کرزي او په تېر حکومت کې د ملي مصالحې عالي شورا رییس عبدالله عبدالله په بېلابېلو اختریزو پیغامونو کې له شپږم ټولګي پورته د نجونو پر مخ د ښوونځیو او پوهنتونونو د دروازو د خلاصون غوښتنه کړې او ویلي دي چې، د هېواد پرمختګ او ابادي په یووالي کې دی.
