ریچارډ بینیټ: بشري حقونه باید د افغانستان په اړه د دوحې د غونډې د بحثونو بنسټ وي
ډید خبري اژانس: د افغانستان لپاره د ملګرو ملتونو ځانګړي استازي ویلي، چې د دوحې په دویمه ناسته کې یې ګډون نه دی کړی.
د افغانستان لپاره د ملګرو ملتونو د بشري حقونو د شورا ځانګړي رپورټر ریچارډ بینیټ ویلي چې د دوحې په دویمه غونډه کې چې نن یکشنبه (د ډلو ۲۹مه) پیل شوې، ګډون نه کوي.
هغه په X کې لیکلي چې هغه هیله لري چې دا غونډه به د کلیدي اړخونو ترمنځ د معنیدار او ټول شموله غونډو لامل شي چې تل د بشري حقونو، په ځانګړې توګه د ښځو د حقونو په اړه بحث ته لومړیتوب ورکوي، د افغانستان د راتلونکې تګلارې د بنسټ په توګه.
باید وویل شي، چې د دوحې په غونډه کې د افغانستان د مدني ټولنې په استازیتوب څلور تنو ګډون کړی دی.
په دې غونډه کې د طا-لبانو مخالفو حرکتونو ته بلنه نه وه ورکړل شوې او سرپرست حکومت هم د دې له امله ګډون نه دی کړی، چې خپل مخکیني شرطونه یې نه دي پوره شوي.
