رینا امیري د افغان ښځو د وضعیت په اړه له امینه اردوغان او ګورډن براون سره وکتل
د دید خبري آژانس د خبر له مخې، په افغانستان کې د ښځو او نجونو د حقونو لپاره د امریکا ځانګړي استازي د ترکیې له لومړۍ مېرمنې او د نړیوالو زده کړو لپاره د ملګرو ملتونو له استازي سره په لیدنه کې له افغان مېرمنو څخه د ملاتړ اعلان کړی.
رینا امیري نن سه شنبه (۸ میزان) په خپله ایکس پاڼه کې لیکلي چې هغې د ترکیې له لومړۍ مېرمنې امینه اردوغان او د نړیوالو زده کړو لپاره د ملګرو ملتونو له ځانګړي استازي ګورډن براون سره په افغانستان کې د ښځو د حقونو د خوندیتوب په اړه د نظر تبادله کړې ده.
اميري د تركيې د لومړۍ مېرمنې او د نړيوال ښوونې او روزنې لپاره د ملګرو ملتونو د ځانګړي استازي د پيوستون له امله له افغانستان سره په ځانګړې توګه د افغان ښځو او نجونو د وضعيت په اړه مننه وکړه.
اميري زياته کړه، کله چې نيمايي وګړي له مهارتونو، عايداتو او فرصتونو څخه بې برخې وي، افغانستان نه شي کولاى له فقر او بې ثباتۍ څخه ووځي.
دا په داسې حال کې ده چې رینا امیري په دې وروستیو کې د افغان ښځو له خوا له طا-لبانو سره په اړیکو تورنه شوې ده.
