دید خبرې آژانس: د اروپا د فوټبال د اتلانو لیګ په پایلوبه کې د هسپانیې اړوند کلب ريال ماډریډ د جرمني بوروسیا ډورټمومونډ لوبډلې ته ۲ـ۰ ماتې ورکړه.
دغه سیالي چې د شنبې په ماښام د جون په لومړۍ نېټه د لندن په وېمبلي لوبغالي کې ترسره شوه، په لومړۍ نیمايي کې دواړه لوبډلې د ګول په وهلو بریالۍ نهشوې.
د لوبې د دویمې نیمايي تر اویایمې دقیقې پورې هم د دواړو طرفونو بریدونه روان و، خو د ګول وهلو چانسونه دواړو لوبډلو له لاسه ورکړي وو.
د لوبې ۷۴یمه دقیقه وه چې د ریال ماډریډ لوبډلې ډني کارواحال ګول وواهه.
د لومړي ګول وهلو لا څلور دقیقې نه وې تېرې چې ریال ماډریډ ته دا ځل وینیکېس جونیر ګول وواهه.
دا پینځلسم ځل دی چې ریال ماډریډ د اروپا د اتلانو لیګ پایلوبه ګټي.
د ویلو ده چې په یاد لیګ کې د اروپايي هېوادونو د فوټبال بېلابېلو ۳۲ لوبډلو په ۸ ګروپونو کې سره سیالۍ وکړې.
