دید خبری آژانس د خبر له مخې: په کابل کې د یو یوټیوبر ځوان د وژل کیدا خبر یوه ورځ وروسته له هغې خپور شو چې د کابل د امنیې قوماندانۍ ویاند دا خبره تائید کړه.
د کابل د امنیې قومندانۍ ویاند خالد ځدراڼ وايي، د دوی ځواکونو د یوې ښځې په ګډون دوه تنه د نوموړي د وژنې په تور نیولي دي.
ځدراڼ وايي، هورا سادات درې ورځې وړاندې د دوشنبې په ورځ (د اسد ۳۰مه) د کابل ښار په ۱۸مه ناحیه کې د نامعلومو کسانو له خوا ووژل شو.
نوموړي نور جزئيات ورنه کړل، خو زياته يې کړه، چې د ده د وژنې د څرنګوالي او عاملينو په اړه پلټنې روانې دي.
ځدراڼ لیکلي: «له بده مرغه درې ورځې وړاندې د هورا سادات په نوم یو یوټیوبر د کابل په ۱۸مه ناحیه کې ووژل شو. پوليسو د پلټنو په لومړي پړاو کې د يوې ښځې په ګډون دوه تنه نيولي او پلټنې ترې روانې دي. نور جزیات به وروسته شریک شي.
په تېرو ورځو کې په ټولنیزو شبکو کې د مېرمن سادات د وژل کېدو اوازې خپرې شوې وې، خو طا-لبانو نن تایید کړې.
وروسته له هغه چې طا-لبان واک ته ورسېدل، د ځینو ژورنالیستانو په ګډون چې خپلې دندې یې له لاسه ورکړې، یوټیوب چینلونو ته مخه کړه.
په همدې حال کې د هورا سادات په ګډون یو شمېر مېرمنو هم په کابل او نورو ښارونو کې له بېلابېلو کسانو سره مرکې کړې او په خپل یوټیوب چینل کې یې خپرې کړې دي.
