دید خبرې آژانس: د اوبو او انرژۍ وزارت سرپرست ملا عبداللطیف منصور، پرون د ۷۷ ترکي شرکت له رئيس سلیمان جیلیو سره کتلي دي.
د اوبو او انرژۍ وزارت د معلوماتو له مخې؛ په دې کتنه کې دواړو لوریو د پانګونې په برخه کې د همکاریو د پراختیا او د دغه وزارت د پروژو د ترسره کولو په اړه خبرې کړې دي.
په کتنه کې همدا رنګه، د کجکي بند پروژې د پاتې چارو پرمختګ ارزول شوی او په چارو کې یې د همغږۍ پر پياوړتیا، سمون او چټکتیا ټینګار شوی دی.
