دید خبرې آژانس: د کور او ښار جوړولو وزارت سرپرست شیخ حمدالله نعماني په خپل کاري دفتر کې د کابل له والي مولوي امین الله عبید سره په کتنه کې په یو شمېر مهمو موضوعاتو خبرې اترې کړې دي.
د کابل والي په دغه کتنه کې د شته ښاري ستونزو، وړاندیزونو او پرمختیایي چارو په تړاو خبرې کړې دي.
په کتنه کې کې همدارنګه د دواړو لورو ترمنځ د نوي کابل ښار ملي پروژه، د کابل اداري کمپلکس، کابل کې د جوماتونو جوړېدو څرنګوالی او وضعیت، ښاري پراختیا، د اړوندو ادارو ترمنځ د بشپړه همکارۍ او همغږي په اړه خبرې اترې شوې دي.
د کور او ښار جوړولو وزارت سرپرست په کتنه کې پر هغه لارو چارو خبرې کړې، چې په عملي کېدا سره به یې تر ډېره بریده شته ستونزې حل او د یو پرمختللي کابل لپاره لاره هواره شي.
د سرپرست وزیر په وینا د کور او ښار جوړولو وزارت هڅې پیل کړې، چې انډولیزه پراختیا رامنځته شي او هېوادوالو ته په زړه پورې ښاري خدمتونه وړاندې شي.
